Besuch vom Samichlaus im Haus der Museen
Me ghört es Glöögli lüüte,
was cha äch das bedüüte?
Öb vo de Bärge oder vom Meer,
dä Samichlaus chunt vo wiitem här:
Me seit, er seg i de Türkei gebore
und het scho baud sini Eltere verlore.
Die Arme het er mit sim ganze Geld beschänkt,
das isch de Grund, wieso me nem ide ganze Welt gedänkt.
Mir tüe ihn au z Olte fiire, trotz de müehsame Corona-Wiire.
De Samichlaus, dä gueti Maa,
chunt am Sunntig bi üs aa.
Im Huus vo de Museen, a der Konradstross,
wartet är ab de 14:00 uf Chlii und Gross.
Nüss und Mandarinli hät er däbii,
duet se i sälberverzierti Säckli drii.
Öber schöni Värsli freut sich de Samichlaus,
und erwiteret velech sogar mitme Bänzli de Schmaus.
Bi üs chasch au Nöss vergolde fürs grosse Fäscht,
denn bewondere di Wiehnachtsboum alli Gescht.
Aui ab 12i möi dinne e Maske träge,
sösch wird ehne der Schmutzli wüescht säge.
Es lade am 2. Advänt zomene Bsuech euch ii,
D Musee vo Natur, Gschicht und Archäologii.
Sie müssen angemeldet sein, um einen Kommentar abzugeben.